Сүйүү жана ыйман булагы Азирети Мухаммад (С.А.В.)
Кыргызстан-Түркия Манас университетинин Теология факультети тарабынан 2026-жылдагы социалдык жоопкерчилик иш-чараларынын алкагында университет студенттерине жана айымдарга арналган «Сүйүүнүн жана ыймандын булагы: Азирети Пайгамбар (с.а.в.)» аттуу программа уюштурулду. 2026-жылдын 20-апрелинде факультетибиздин кызматкери Жамила Жораеванын координаторлугунда өткөрүлгөн бул иш-чарага катышуучулар чоң кызыгуу көрсөтүштү.
Программада Азирети Мухаммед (с.а.в.) ислам ишениминде адеп-ахлактык жана коомдук жашоонун эң негизги үлгүсү катары кабыл алынары баса белгиленди. Анын өмүрү сүйүү, ырайымдуулук, сабырдуулук жана адилеттүүлүк сыяктуу баалуулуктарга негизделгени, момундар үчүн ыймандык берилгендиктин белгиси гана эмес, күнүмдүк жашоодо жол көрсөтүүчү өрнөк экени айтылды. Пайгамбарга болгон сүйүү исламда Аллахка болгон ыйман менен түздөн-түз байланыштуу болуп, бул түшүнүк жөн гана сезимдик жакындыкты эмес, анын сүннөтүн кармануу жоопкерчилигин да камтыган бүтүндөй ишеним түшүнүгү экени түшүндүрүлдү.
Болжол менен 200 студент катышкан жана чоң кызыгуу менен өткөн программанын соңунда катышуучулар күнүмдүк жашоодо адеп-ахлакка, урмат-сыйга жана конструктивдүү баарлашууга негизделген мамилени калыптандыруу боюнча маанилүү түшүнүктөргө ээ болушканын билдиришти. Программанын соңунда катышуучуларга сый тамак берилди.
.jpg)
.jpg)
.jpg)
