2026-04-30
Ветеринардык факультеттин баскетбол командасына ыраазычылык
Кыргыз-Түрк «Манас» университетинде факультеттер аралык спорттук мелдештердин алкагында өткөрүлгөн баскетбол турниринде Ветеринардык факультеттин командасы биринчи орунду ээлеп ийгиликке жетишти.
2026-жылдын 28-апрелинде чемпион болгон команда мүчөлөрүн Ветеринардык факультеттин деканы профессор, доктор Исмаил Шен жана декандын орун басары профессор, доктор Хасан Хусейин Ары куттукташты. Окуучуларга жетишкен ийгиликтери үчүн белектер тапшырылды.
Ветеринардык факультеттин жетекчилиги студенттердин академиялык гана эмес, спорттук багытта да жетишкен ийгиликтери сыймык жаратарын белгилеп, мындай иш-чаралар студенттердин социалдык жана физикалык өнүгүүсүнө чоң салым кошорун билдиришти.