2026-04-16
Жаштардан маанилүү салымы: “Үмүт Үйү”нө мээрим көпүрөсү
14-апрелде “Финансы жана кредит” программасынын 3-курсунун студенттери куратор, доцент Байгонушова Дамиранын жетекчилиги астында Бишкек шаарындагы карылар жана мүмкүнчүлүгү чектелген жарандар үчүн “Үмүт Үйү” социалдык стационардык мекемесине кайрымдуулук иш сапарын жасашты.
Университеттин колдоосу менен студенттер бул сапардын алкагында мекеменин жашоочуларына белектерди алып барышты. Жаштар мекеменин администрациясы жана тургундары менен жылуу баарлашып, алардын абалын сурап, көңүл бурушту.
Бул сапар студенттер үчүн жөн гана практика эмес, адамгерчиликке жана социалдык жоопкерчиликке үйрөткөн маанилүү сабак болду. Болочок финансисттер карыларга урмат көрсөтүү, социалдык жоопкерчилик жана волонтёрдук принциптерин иш жүзүндө бекемдешти.
Доцент Байгонушова Дамира мындай иш-чаралар студенттердин инсандык сапаттарын калыптандырууга жана аларды коомдук пайдалуу иштерге тартууга олуттуу салым кошорун белгилеп, университет жетекчилигине көрсөтүлгөн колдоо үчүн ыраазычылык билдирди.
.jpeg)