КЫРГЫЗСТАНЫБЫЗДЫН 31-АВГУСТ ЭГЕМЕНДҮҮЛҮК КҮНҮ КУТ БОЛСУН!


  • 2025-08-29

Түрк элинин өзөгү болгон эркиндик рухун кайрадан жандандырып, кыйынчылыктарды артта калтырган Кыргызстаныбыздын «31-август Эгемендүүлүк күнү» менен куттуктайм! Кыргыз желеги дайыма эркин желбиреп, эгемендүүлүгү жана көз карандысыздыгы түбөлүккө сакталсын.

Эки тууган өлкөнүн достук көпүрөсү болгон Кыргыз-Түрк «Манас» университети катары, түрк дүйнөсүнүн ажырагыс бөлүгү болгон Кыргызстаныбыздын эгемендүүлүгүн жана туруктуулугун бекемдөөгө, заманды ээрчүүсүнө салым кошууну улантабыз. Өз тарыхын, маданиятын жана ата-бабаларын тааныган, учурдагы эгемендүүлүк түшүнүгүн жана анын маанисин билип, келечекте да бул түшүнүккө ээ болгон жаштарды тарбиялоону улантабыз.

Бул максатта тили, маданияты, аң-сезими жана тарыхы бир болгон боордош өлкөбүз Кыргызстанды эгемендүүлүгүнүн 34 жылдыгы менен куттуктап, жалпы кыргыз боордошторубузга тынчтык, бакубатчылык жана аманчылык каалайм.

 

Профессор Алпаслан Жейлан

Кыргыз-Түрк «Манас» университетинин ректору

    Социалдык медиада бөлүшүү