КТМУда "VI түрк дүйнөсүнүн коммуникация жана искусство" симпозиуму өтөт
Кыргыз-Түрк «Манас» университети (КТМУ) түрк дүйнөсүнүн академиялык жана искусство потенциалын бириктирген маанилүү иш-чараны өткөрүүгө камданууда. "VI түрк дүйнөсүнүн коммуникация жана искусство" симпозиуму 2026-жылдын 22-24-октябрь күндөрү Чыңгыз Айтматов атындагы кампуста өткөрүлөт.
Симпозиумда түрк дүйнөсүнүн коммуникация жана искусство тармагындагы илимий ыкмалары талкууланат. Түрк дүйнөсүнүн булуң-бурчунан көп сандаган илимпоздордун, изилдөөчүлөрдүн, медиа адистеринин жана искусство өкүлдөрүнүн катышуусу күтүлгөн бул симпозиум жалпы маданий мурасты, ошондой эле коммуникация жана искусство чөйрөсүндөгү акыркы өнүгүүлөрдү илимий негизде талкуулоону көздөйт. Үч күн улануучу иш-чаранын алкагында сунушталуучу баяндамалар, панелдер жана отурумдар аркылуу түрк дүйнөсүнүн ортосундагы академиялык кызматташтыкты жана жалпы көз карашты бекемдөө максат кылынууда.